|
|
|
Ligji i SHISH, SHBA: Cėnohet imazhi i Shqipėrisė |
|
|
|
 Ambasadori i Shteteve të Bashkuara të Amerikës Xhon Withers ka reaguar pas miratimit të ligjit të SHISH në një konferencë të posacme, duke shprehur nota shqetësimi për miratimin e këtij ligji vetëm pak ditë më parë.
Në deklaratën e bërë sot për mediat, nga ambasadori amerikan Xhon Withers në emër të qeverisë amerikane shprehej shqetesimi i madh për hartimin e këtij ligji të cilësuar sipas Withers “cënim i drejtpërdjetë i pavarësisë së këtij institcuinoi dhe ekspozimit hapur të tij ndaj ndërhrjeve politike”.
Ambasadori amerikan shkon dhe më tej kur deklaron se ligji prish imazhin e Shqipërisë në arenën ndërkombëtare, prandaj kjo cështje shihet me shumë shqetësim nga ana e qeverisë amerikane, duke shtuar se ligji duhet riparë nga eksperë ndërkombëtarë, përpara se të vendosë Kuvendi për miratimin e tij.
“Shprehim shqetësimin e drejtpërdrejt të SHBA-ve për ligjin e SHISH. Kërkojmë me forcë që ky ligj të rishikohet nga ekspertët ndërkombëtarë përpara se të votohet në Kuvend, pasi ky aktuali cënon standartet ndërkombëtare” – theksoi Ëithers gjatë konferencës së sotme për shtyp.
Është e nevojshme, vijoi Withers që shërbimi informativ të mbetet profesional por në formën aktuale të këtij drafti kjo cënohet dhe si rrjedhim ligji është i papranueshëm. Shqipëria nuk duhet të shkojë në drejtim të gabuar shprehet ambasadori amerikan prandaj dhe e sheh me seriozitet këtë cështje.
Projektligji
Komisioni parlamentar i Ligjeve miratoi dy ditë më parë projektligjin për Shërbimin Informativ të Shtetit, pas amendimeve që iu bënë variantit fillestar të propozuar nga qeveria. Në përfundim të mbledhjes, e cila u zhvillua për rreth tri orë me dyer të mbyllura, komisioni ka miratuar kufizimin e mandatit të drejtorit të SHISH-it në 5 vjet. Ndërkohë që përmes një dispozite kalimtare është sanksionuar se procedurat për zgjedhjen e kreut të ri të shërbimeve inteligjente dhe të zëvendësit të tij, të kryhen 60 ditë nga hyrja në fuqi e këtij ligji.
“Paraprakisht”, me miratimin e këtij projektligji maxhoranca ka miratuar edhe shkarkimin e drejtorit aktual të SHISH-it, Bahri Shaqiri. Ndryshimet e reja të miratuara në ligjin për SHISH, në thelb nuk e kanë përmirësuar ndjeshëm draftin e propozuar nga qeveria. Konkretisht, kryeministri sërish ka të drejtën për të thirrur në çdo kohë dhe për çdo çështje në raportim drejtorin e SHISH-it. Kryeministri gjithashtu jep leje për operacione të përbashkëta me shërbime dhe urdhëron mbledhjen e të dhënave për shërbime të huaja.
Është shtuar vetëm që procedurat për leje miratohen me vendim të qeverisë. Nga ana tjetër, deputetët demokratë të komisionit të Ligjeve pretenduan në mbledhjen e dy ditëve më parë se drejtori i SHISH-it kishte dhënë OK për përmbajtjen e draftit, përveç çështjes së mandatit. Por nga ana e tij, Shaqiri preferoi të mos bënte një koment publik për këtë pretendim. Ndërkohë vajtja në mbledhjen e komisionit të Ligjeve të drejtorit të kabinetit të kryeministrit, Oerd Bylykbashi së bashku me drejtorin e SHISH-it, tregon qartë se ç’natyrë do të marrë ky institucion pas ndryshimeve të miratuara. |
|
|
