“Ky vend kuptoi se nuk futbollistët e tij nuk janë vetëm të bukur, por edhe të zotët, duke ruajtur madhështinë e tyre dhe duke na bërë sërish të ëndërrojmë. Ju faleminderit në emër të të gjithë popullit të Uruguajit”, tha Muhika. Ndërkohë trajneri Oskar Tabarez vlerësoi shpirtin e futbollistëve të tij. “Suksesi ynë nuk lidhet vetëm me rezultatet, por edhe me atë çfarë treguan futbollistët në fushën e lojës”, deklaroi ai. Përpara njerëzve foli edhe futbollisti më i mirë i Botërorit, Diego Forlan, i cili e konsideroi këtë Botëror si të pabesueshëm për një vend kaq të vogël si Uruguaj. Amerikano-jugorët u renditën të katërtit në Afrikën e Jugut, duke u mundur 3-2 nga Gjermania në finalen për vendin e tretë.